ಪಂಚೇಂದ್ರಿಯಗಳ ಆಕರ್ಷಣೆಯಿಂದ ವಿಮುಖರಾರುವಂತೆ ಕರೆ

ಸುದ್ದಿಮೂಲ ವಾರ್ತೆ

ತಿಪಟೂರು,ಸೆ.2: ಮನುಷ್ಯನಾದವನು ತನ್ನ ಬುದ್ಧಿವಂತಿಕೆಯನ್ನು ಪರಿಪೂರ್ಣವಾಗಿ ಬಳಸಬೇಕಾದರೆ ಪಂಚೇಂದ್ರಿಯಗಳ ಆಕರ್ಷಣೆಯಿಂದ ವಿಮುಖಗೊಂಡು ಏಕಾಗ್ರತೆ ಸಾಧಿಸಬೇಕೆಂದು ಗುರುಕುಲಾನಂದಾಶ್ರಮದ ಸದ್ಗುರು ಶ್ರೀ ಇಮ್ಮಡಿ ಕರಿಬಸವದೇಶಿಕೇಂದ್ರ ಮಹಾಸ್ವಾಮಿಗಳು ತಿಳಿಸಿದರು.

ನಗರದ ಗುರುಕುಲಾನಂದಾಶ್ರಮದಲ್ಲಿ ನಡೆದ 320ನೇ ಬೆಳದಿಂಗಳ ಶರಣಧರ್ಮ ಚಿಂತನಾಗೋಷ್ಠಿಯ ಆಶೀರ್ವಚನ ನೀಡಿದ ಶ್ರೀಗಳು ಶರಣ ಪರಂಪರೆಯು

ನಮಗೆಲ್ಲ ಆದರ್ಶವಾಗಬೇಕು. ಗೌತಮಬುದ್ಧನಿಗಿದ್ದಷ್ಟು ಶಿಷ್ಯರು ಹನ್ನೆರಡೆಯ ಶತಮಾನದಲ್ಲಿದ್ದ ಬದುಕಿದ್ದ ಶಿವಶರಣರಿಗೆ ಇರಲಿಲ್ಲ. ಆದಕಾರಣ ಬುದ್ಧಧರ್ಮವು ಪ್ರಪಂಚಕ್ಕೆ ಹರಡಿದರೆ, ಇದೀಗ ವಚನ ಧರ್ಮವು ಸೀಮಿತ ಪ್ರದೇಶಕ್ಕೆ ಮಾತ್ರ ಸೀಮಿತವಾಗಿದೆ ಎಂದರು.

ಕಾರ್ಯಕ್ರಮದಲ್ಲಿ ವಿಶೇಷ ಉಪನ್ಯಾಸ ನೀಡಿದ ಬಾಲಕರ ಸರ್ಕಾರಿ ಪದವಿ ಪೂರ್ವಕಾಲೇಜಿನ ಪ್ರಾಂಶುಪಾಲ ಎಂ.ಡಿ.ಶಿವಕುಮಾರ್‌ರವರು, ವಚನ ಸಾಹಿತ್ಯವು ವಿಶ್ವಕ್ಕೆ ನೀಡಿದ ಬಹುದೊಡ್ಡ ಕೊಡುಗೆಯಾಗಿದೆ. ಶಿವ ಶರಣರು ವರ್ಗ ಬೇಧ ರಹಿತ, ಜಾತಿ-ಜನಾಂಗ ಮೀರಿದ ನವ ಸಮಾಜದ ಕನಸು ಕಂಡಿದ್ದರು. ಶೋಷಣೆಯಿಂದ ಮುಕ್ತವಾದ ಕಾಯಕತತ್ವದಲ್ಲಿ ಅಪಾರವಾದ ನಂಬಿಕೆಯನ್ನಿಟ್ಟು ಕೊಂಡಿದ್ದರು ಎಂದು ಬಣ್ಣಿಸಿದರು.

ಕಾರ್ಯಕ್ರಮದ ಸೇವಾಕರ್ತರಾದ ತೆಂಗಿನ ವ್ಯಾಪಾರಿಗಳಾಗದ ಶಾಂತನಹಳ್ಳಿ ಜಿ. ಬಸವರಾಜು,, ಶಿಕ್ಷಕರಾದ ಮಡೆನೂರು ಸೋಮಶೇಖರ್, ನಿವೃತ್ತ ಪ್ರಾಂಶುಪಾಲರಾದ ಬೆಟ್ಟಯ್ಯ, ನಾಗರಾಜು ನಿರೂಪಿಸಿ ಸಂಯೋಜಕ ಡಾ. ಎಲ್.ಎಂ. ವೆಂಕಟೇಶ್ ಹಾಗೂ ಗ್ರಾಮಸ್ಥರು ಉಪಸ್ಥಿರಿದ್ದರು.