ಬೆಂಗಳೂರು,ಮೇ.01: ಇಂದು ನಿಗಮದ ಬೆಂಗಳೂರು ಕೇಂದ್ರೀಯ ವಿಭಾಗದ ಘಟಕ 2 ರಲ್ಲಿ ಕಾರ್ಮಿಕ ದಿನಾಚರಣೆಯನ್ನು ಸರಳ ಹಾಗೂ ಅರ್ಥಪೂರ್ಣವಾಗಿ ಆಚರಿಸಲಾಯಿತು.
ಕಾರ್ಯಕ್ರಮದಲ್ಲಿ ನಿಗಮದ ವ್ಯವಸ್ಥಾಪಕ ನಿರ್ದೇಶಕರಾದ ಶ್ರೀ ವಿ.ಅನ್ಬುಕುಮಾರ್ ಭಾಆಸೇ ರವರು ಸಿಹಿ ಮತ್ತು ಗುಲಾಬಿ ಹೂ ನೀಡಿ ಶುಭ ಕೋರಿದರು. ಈಗಾಗಲೇ ಎಲ್ಲಾ ವಿಭಾಗಗಳಲ್ಲೂ ವೇತನ ಪರಿಷ್ಜರಣೆ ಪಟ್ಟಿಯನ್ನು ನೌಕರರಿಗೆ ನೀಡಲಾಗಿದೆ.
ಕಾರ್ಮಿಕರು ನಿಗಮದ ಅವಿಭಾಜ್ಯ ಅಂಗ, ಅವರ ಪ್ರಾಮಾಣಿಕ ಪರಿಶ್ರಮದ ಸೇವೆಯು ನಿಗಮವನ್ನು ಅಭಿವೃದ್ಧಿಯ ಪಥದಲ್ಲಿ ಸಾಗಲು ಕಾರಣೀಭೂತವಾಗಿದೆ. ಕಳೆದ ಒಂದು ವರುಷದಲ್ಲಿ ನಿಗಮವು ಹತ್ತು ಹಲವು ಕಾರ್ಮಿಕ ಕಲ್ಯಾಣ ಕಾರ್ಯಕ್ರಮಗಳನ್ನು ಜಾರಿಗೆ ತರಲಾಗಿದೆ. 2023 ನೇ ವರ್ಷವನ್ನು ಕಾರ್ಮಿಕ ಕಲ್ಯಾಣ ವರ್ಷ ವನ್ನಾಗಿ ಈಗಾಗಲೇ ಘೋಷಣೆ ಮಾಡಲಾಗಿದೆ.
ಕಳೆದ ವರುಷ ಇದೇ ದಿನ ನೌಕರರ ಮೇಲಿದ್ದ 10,462 ಶಿಸ್ತು ಪ್ರಕರಣಗಳನ್ನು ಮನ್ನಾ ಮಾಡಲಾಗಿರುವುದನ್ನು ನೆನೆದು, ಸಂಸ್ಥೆಯು ಸದಾ ನೌಕರರ ಆಶೋತ್ತರಗಳಿಗೆ ಸಕಾರತ್ಮಾಕವಾಗಿ ಸ್ಪಂದಿಸುತ್ತಿದೆ. ಅದೇ ರೀತಿ ನೌಕರರು ಹಗಲಿರುಳು ದುಡಿದು ಅತ್ಯಧಿಕ ಸಾರಿಗೆ ಆದಾಯ ತರುವಲ್ಲಿ ಪ್ರಮುಖ ಪಾತ್ರವಹಿಸಿದ್ದಾರೆ. ನಿಗಮದ ಪ್ರತಿಯೊಬ್ಬರಿಗೂ ಈ ಸಂದರ್ಭದಲ್ಲಿ ಅಭಿನಂದನೆಗಳನ್ನು ಸಲ್ಲಿಸಿದರು.
ಕಾರ್ಯಕ್ರಮದಲ್ಲಿ ನಿರ್ದೇಶಕರು ಸಿಬ್ಬಂದಿ ಮತ್ತು ಜಾಗೃತ, ಶ್ರೀ ಪ್ರಶಾಂತ್ ಕುಮಾರ್ ಮಿಶ್ರ ಭಾ.ಆ. ಸೇ ಹಾಗೂ ಹಿರಿಯ ಅಧಿಕಾರಿಗಳು ಉಪಸ್ಥಿತರಿದ್ದರು.
