ಸುದ್ದಿಮೂಲ ವಾರ್ತೆ
ಹೊಸಕೋಟೆ, 08 :11 ದಿನದ ಬಾಣಂತಿ ಪತ್ನಿಯನ್ನು ತಲೆದಿಂಬಿನಿಂದ ಉಸಿರುಗಟ್ಟಿಸಿ ಕೊಲೆ ಮಾಡಿರುವ ಘಟನೆ ಬೆಂಗಳೂರು ಗ್ರಾಮಾಂತರ ಜಿಲ್ಲೆ ಹೊಸಕೋಟೆ ತಾಲ್ಲೂಕಿನ ಕೊಳತೂರು ಗ್ರಾಮದಲ್ಲಿ ನಡೆದಿದೆ.
ಪೋಲೀಸ್ ಪೇದೆ ಕಿಶೋರ್ ಆರೋಪಿ. ಕೋಲಾರ ತಾಲ್ಲೂಕಿನ ವೇಮಗಲ್ ಹೋಬಳಿಯ ವಿರಾಪುರ ಗ್ರಾಮದವನಾಗಿದ್ದು ಕಳೆದ 11 ತಿಂಗಳ ಹಿಂದೆ ಕೊಳತೂರು ಗ್ರಾಮದ ಸುಬ್ರಮಣಿ ರವರ ಮಗಳಾದ 23 ವರ್ಷದ ಪ್ರತಿಭಾ ರವರನ್ನು ಮದುವೆ ಮಾಡಿಕೊಂಡಿದ್ದ. ಆದರೆ ಇತ್ತಿಚೆಗೆ ಕಿಶೋರ್ ರವರ ತಾಯಿ ವರದಕ್ಷಿಣೆ ಸರಿಯಾಗಿ ಕೊಟ್ಟಿಲ್ಲ ಎಂದು ತಕರಾರು ಮಾಡುತ್ತಿದ್ದರು. ಪ್ರತಿಭಾರವರಿಗೆ ಪ್ರತಿ ದಿನ ಮಾನಸಿಕ ಹಿಂಸೆ ನೀಡುತ್ತಿದ್ದ ಅಲ್ಲದೇ, ಸೀಮಂತ ಸಂದರ್ಭದಲ್ಲಿ ಕಿಶೋರ್ ಮನೆಯವರನ್ನು ಸರಿಯಾಗಿ ವಿಚಾರಿಸಿಲ್ಲ ಎಂದು ಗಲಾಟೆ ಮಾಡಿ, ರಾತ್ರಿ ಮನೆಗೆ ಬಂದು ಈ ರೀತಿ ಮಾಡಿದ್ದಾನೆ ಎಂದು ಮೃತ ಪ್ರತಿಬಾ ರವರ ತಂದೆ ಸುಬ್ರಮಣಿ ಆರೋಪಿಸಿದ್ದಾರೆ.
ಘಟನೆ ನಂತರ ಆರೋಪಿ ಕಿಶೋರ್ ಮನೆಯಿಂದ ಓಡಿಹೋಗಿ ವಿಷ ಕುಡಿದಿದ್ದೇನೆ ಎಂದು ನಾಟಕ ಮಾಡಿಕೊಂಡು ಕೋಲಾರ ಜಾಲಪ್ಪ ಆಸ್ಪತ್ರೆಗೆ ದಾಖಲಾಗಿದ್ದ.. ಆದರೆ, ವಿಷಯ ತಿಳಿದ ಹೊಸಕೋಟೆ ಪೋಲೀಸರು ಆತನನ್ನು ಕರೆತಂದು ಹೊಸಕೋಟೆ ಎಂವಿಜೆ ಆಸ್ಪತ್ರೆಯಲ್ಲಿ ದಾಖಲಿಸಿದ್ದು ತನಿಖೆ ಕೈಗೊಂಡಿದ್ದಾರೆ.
