ಸುದ್ದಿಮೂಲ ವಾರ್ತೆ,
ಬಳ್ಳಾರಿ, ಏ. ೭:
ವಿಧಾನಸಭಾ ಚುನಾವಣೆಯ ಮಾದರಿ ನೀತಿ ಸಂಹಿತೆ ಜಿಲ್ಲೆಯಾದ್ಯಂತ ಜಾರಿಯಲ್ಲಿದ್ದು, ವಿವಿಧ ಚೆಕ್ಪೋಸ್ಟ್ಗಳಲ್ಲಿ ಕಟ್ಟುನಿಟ್ಟಿನ ತಪಾಸಣೆ ನಡೆದಿದೆ.ಗುರುವಾರದಂದು ೧೬೧.೭೧ ಗ್ರಾಂ ಚಿನ್ನ ರೂ.೮.೯೯ ಲಕ್ಷ, ೬೬ ಗ್ರಾಂ ಬೆಳ್ಳಿ ಅಂದಾಜು ಮೌಲ್ಯ ರೂ.೩ ಸಾವಿರ, ೪ ಬಿಳಿ ರತ್ನ (ರೂ.೧೫ ಸಾವಿರ ಮೌಲ್ಯ) ಸೇರಿ ಒಟ್ಟು ೯.೧೭ ಲಕ್ಷ ಮೌಲ್ಯದ ಚಿನ್ನಾಭರಣ, ೩೯.೫೧ ಲೀಟರ್ (ರೂ.೧೮,೪೯೨ ಬೆಲೆಯ) ಮದ್ಯ ವಶಪಡಿಸಿಕೊಳ್ಳಲಾಗಿದೆ ಎಂದು ಜಿಲ್ಲಾ ಚುನಾವಣಾಧಿಕಾರಿ ಹಾಗೂ ಜಿಲ್ಲಾಧಿಕಾರಿ ಪವನ್ ಕುಮಾರ್ ಮಾಲಪಾಟಿ ತಿಳಿಸಿದ್ದಾರೆ.
ಅಬಕಾರಿ ಇಲಾಖೆಯಿಂದ ೩೫.೨೮ ಲೀಟರ್ ಮದ್ಯ (ರೂ.೧೬,೮೪೭ ಬೆಲೆಯ) ಹಾಗೂ ಪೊಲೀಸ್ ಇಲಾಖೆಯಿಂದ ೪.೨೩ ಲೀಟರ್ (ರೂ.೧,೬೪೫ ಬೆಲೆಯ) ಮದ್ಯ ಸೇರಿದಂತೆ ಒಟ್ಟು ೩೯.೫೧ ಲೀಟರ್ ರೂ.೧೮,೪೯೨ ಮೌಲ್ಯದ ಮದ್ಯ ವಶಪಡಿಸಿಕೊಳ್ಳಲಾಗಿದೆ.
ಜಿಲ್ಲೆಯಾದ್ಯಂತ ನೀತಿ ಸಂಹಿತೆ ಕಟ್ಟುನಿಟ್ಟಾಗಿ ಜಾರಿಗೊಳಿಸಲು ವಿವಿಧ ತಂಡಗಳನ್ನು ರಚಿಸಲಾಗಿದ್ದು, ಈಗಾಗಲೇ ಕಾರ್ಯಪ್ರವೃತ್ತವಾಗಿದೆ. ಒಟ್ಟು ೪೩ ಫ್ಲೆöÊಯಿಂಗ್ ಸ್ವಾö್ಯಡ್, ೨೭ ಎಸ್ಎಸ್ಟಿ ತಂಡ ಹಾಗೂ ೭ ಅಬಕಾರಿ ತಂಡ ಕೆಲಸ ನಿರ್ವಹಿಸುತ್ತಿವೆ.
ಚುನಾವಣೆ ಪ್ರಕ್ರಿಯೆಯಲ್ಲಿ ಇಲ್ಲಿಯವರೆಗೆ ಎಫ್ಎಸ್ಟಿ, ಎಸ್ಎಸ್ಟಿ ಹಾಗೂ ಪೊಲೀಸ್ ಇಲಾಖೆ ತಂಡಗಳು ದಾಖಲಿಸಿದ ಎಫ್ಐಆರ್ ಮತ್ತು ವಸೂಲಿ ಮಾಡಿದ ಒಟ್ಟು ೫.೮೦ ಲಕ್ಷ ರೂ.ಗಳನ್ನು ನ್ಯಾಯಾಲಯದ ನಿರ್ದೇಶನದಂತೆ ಚುನಾವಣಾ ಅಧಿಕಾರಿಗಳ ಸಮಕ್ಷಮದಲ್ಲಿ ಖಜಾನೆಯಲ್ಲಿ ಇರಿಸಲಾಗಿದೆ ಎಂದು ತಿಳಿಸಿದ್ದಾರೆ.
