ಸುದ್ದಿಮೂಲ ವಾರ್ತೆ ಬಳ್ಳಾರಿ, ಫೆ.19:
ಶಿವರಾತ್ರಿ ಅಂಗವಾಗಿ ಜಿಲ್ಲೆಯಾದ್ಯಂತ ಎಲ್ಲಾ ಶಿವಾಲಯಗಳಲ್ಲಿ ಭಕ್ತಾಧಿಗಳು ಶ್ರದ್ಧೆ - ಭಕ್ತಿಯಿಂದ ವಿಶೇಷ ಪೂಜೆ, ಅಭಿಷೇಕ ಮತ್ತು ಅಲಂಕಾರಗಳನ್ನು ನಡೆಸಿ ಪ್ರಾರ್ಥನೆ ಸಲ್ಲಿಸಿದ್ದಾರೆ.
‘ಟಚ್ ಫಾರ್ ಲೈಫ್’ ಫೌಂಡೇಶನ್ನ ಅಧ್ಯಕ್ಷ ನಾರಾ ಭರತ್ರೆಡ್ಡಿ ಅವರು 40 ಸಾವಿರ ಶಿವಭಕ್ತರಿಂದ ಪಂಚಮುಖ ರುದ್ರಾಕ್ಷಿಗಳನ್ನು ಶಿವನ ದೇವಾಲಯಗಳ ಮುಂದೆ ಹಂಚಿ, ಭಕ್ತಿಯನ್ನು ಮೆರೆದರು. ಕೆಲ ಭಕ್ತಾಧಿಗಳು ದೇವಸ್ಥಾನಗಳ ಮುಂದೆ ಪ್ರಸಾದ, ಪಂಚಾಮೃತ ಮತ್ತು ಬಿಲ್ವಪತ್ರೆಗಳನ್ನು ಹಂಚಿದರು.
ಕೆಲ ಶಿವಲಾಯಗಳಲ್ಲಿ ತ್ರಿಕಾಲ ವಿಶೇಷ ಪೂಜೆಗಳು - ಅಭಿಷೇಕಗಳು ನಡೆದಿವೆ. ಭಕ್ತಾಧಿಗಳು ಸಾಲಿನಲ್ಲಿ ನಿಂತು ಶಿವದರ್ಶನವನ್ನು ಪಡೆದಿದ್ದಾರೆ. ಹಂಪೆ ವಿರೂಪಾಕ್ಷೇಶ್ವರನಿಗೆ ಶ್ರೀಕೃಷ್ಣದೇವರಾಯ ದಾನವಾಗಿ ನೀಡಿದ್ದ ನವರತ್ನಖಚಿತ ಬಂಗಾರದ ಕಿರೀಟದ ಅಲಂಕಾರ ಮಾಡಲಾಗಿತ್ತು. ಭಕ್ತಾಧಿಗಳು ತುಂಗಭದ್ರ ನದಿಯಲ್ಲಿ ಪುಣ್ಯಸ್ಮಾನ ನೆರವೇರಿಸಿ ಶಿವನ ದರ್ಶನ ಪಡೆದು, ಪ್ರಾರ್ಥನೆ ಸಲ್ಲಿಸಿದರು.
