ಬಹುಭಾಷಾ ಖ್ಯಾತ ನಟ ಕಮಲ್ ಹಾಸನ್ ಸಾಮಾನ್ಯರಂತೆ ವಿಐಪಿ ಗ್ಯಾಲರಿಯಲ್ಲಿ ಬಂದು ಕುಳಿತು ಅಚ್ಚರಿ ಮೂಡಿಸಿದರು. ಬಳಿಕ ಅವರನ್ನು ಮುಖ್ಯ ವೇದಿಕೆಗೆ ಕರೆತರಲಾಯಿತು. ಕಮಲ್ ಹಾಸನ್ ಬರುತ್ತಿದ್ದಂತೆ ಜನರು ಜೋರಾಗಿ ಘೋಷಣೆ ಕೂಗಿದರು.
ನಟ ಶಿವರಾಜ್ಕುಮಾರ್, ಅವರ ಪತ್ನಿ ಗೀತಾ ಶಿವರಾಜ್ ಕುಮಾರ್, ನಟ ದುನಿಯಾ ವಿಜಯ್, ನಟಿಯರಾದ ರಮ್ಯಾ, ಭಾವನಾ, ಮಾಜಿ ಸಚಿವೆ ಉಮಾಶ್ರೀ, ಕೆಪಿಸಿಸಿ ಸಾಂಸ್ಕೃತಿಕ ಘಟಕದ ಸಾಧು ಕೋಕಿಲಾ, ಬಾಬು ರಾಜೇಂದ್ರ ಪ್ರಸಾದ್ ಭಾಗಿಯಾಗಿದ್ದರು.
ಇದಲ್ಲದೆ, ಸಿದ್ದರಾಮಯ್ಯ ಅವರ ಪುತ್ರ, ಮಾಜಿ ಶಾಸಕ ಡಾ. ಯತೀಂದ್ರ, ಮತ್ತೊರ್ವ ಪುತ್ರ ದಿವಂಗತ ರಾಕೇಶ್ ಅವರ ಪತ್ನಿ ಮತ್ತು ಅವರ ಪುತ್ರ ಹಾಗೂ ಪುತ್ರಿ, ಸಿದ್ದರಾಮಯ್ಯ ಸಹೋದರ ಸಿದ್ದೇಗೌಡ ಭಾಗಿಯಾಗಿದ್ದರು.
ಡಿ.ಕೆ. ಶಿವಕುಮಾರ್ ಅವರ ಪತ್ನಿಉಷಾ ಶಿವಕುಮಾರ್, ಪುತ್ರಿ ಐಶ್ವರ್ಯಾ, ಪುತ್ರ ಹಾಗೂ ಸಹೋದರ ಸಂಸದ ಡಿ.ಕೆ. ಸುರೇಶ್ ಸಹಿತ ಕುಟುಂಬದ ಹಲವು ಭಾಗಿಯಾಗಿದ್ದರು.
ಇನ್ನು ಸಚಿವರಾದ 8 ಮಂದಿಯ ಕುಟುಂಬ ಸದಸ್ಯರು ಸಹ ಸಮಾರಂಭದಲ್ಲಿ ಪಾಲ್ಗೊಂಡು ಕಣ್ತುಂಬಿಕೊಂಡರು.
