ಸುದ್ದಿಮೂಲ ವಾರ್ತೆ
ಬಸವಕಲ್ಯಾಣ - ರಾಮ ಇವತ್ತು ಕೇವಲ ಧರ್ಮಿಕ ಕ್ಷೇತ್ರಕ್ಕೆ ಸಂಬಂಧಿಸಿದ ವ್ಯಕ್ತಿ ಅಲ್ಲ. ರಾಜಕೀಯದ ನಡು ಪಡುಸಾಲೆಗೆ ಬಂದು ದಶಕಗಳೇ ಕಳೆದಿವೆ. ದೇಶಭಕ್ತಿಗೆ, ಸಂಘಟನೆಗೆ ಪ್ರೇರಣೆಯಾಗಿರುವ ಶ್ರೀ ರಾಮ ನವಮಿಯಂದೇಸುದ್ದಿಯಾಗಿರುವುದು ವಿಪರ್ಯಾಸ.
ಹೌದು, ರಾಮ ನವಮಿಯಂದೇ ಬಿಜೆಪಿ ಶಾಸಕ ಶರಣು ಸಲಗರ ಮಹಾ ಎಡವಟ್ಟು ಮಾಡಿಕೊಂಡಿದ್ದಾರೆ. ಬಸವಣ್ಣನ ರ್ಮಭೂಮಿ ಬಸವಕಲ್ಯಾಣದಲ್ಲಿ ಶ್ರೀ ರಾಮನಿಗೆ ಅವಮಾನ ಎನ್ನುವ ಆರೋಪ ಕೇಳಿ ಬಂದಿದೆ.
ಬಸವಕಲ್ಯಾಣದಲ್ಲಿ ನಡೆದ ರಾಮನವಮಿ ಶೋಭಾಯಾತ್ರೆ ವೇಳೆ, ಶಾಸಕ ಶರಣು ಸಲಗರ ಶ್ರೀರಾಮನ ತೊಡೆ ಮೇಲೆ ನಿಂತು ಕೊರಳಿಗೆ ಬೃಹತ್ ಹೂವಿನ ಹಾರ ಹಾಕಿದ್ದಾರೆ. ಶ್ರೀರಾಮನ ಏಡ ತೊಡೆಯ ಮೇಲೆ ನಿಂತು ಶಾಸಕ ಶರಣು ಸಲಗರ ಪೋಸ್ ಕೊಟ್ಟಿದ್ದಾರೆ.
ಶಾಸಕ ಶರಣು ಸಲಗರ ರಾಮನ ಮೇಲೆ ನಿಂತಿರೋ ಫೋಟೋವನ್ನು ಪೇಸ್ಬುಕ್ನಲ್ಲಿ ಹಂಚಿಕೊಂಡಿದ್ದಾರೆ. ರಾಮನ ಮರ್ತಿ ಮೇಲೆ ನಿಂತು ಮಾಲರ್ಪಣೆ ಮಾಡಿದ್ದಕ್ಕೆ ಸರ್ವಜನಿಕರಿಂದ ಭಾರಿ ಆಕ್ರೋಶ ಸಾಮಾಜಿಕ ಜಾಲತಾಣದಲ್ಲಿ ವ್ಯಕ್ತವಾಗುತ್ತಿದೆ.
ಮಾಜಿ ಶಾಸಕ ಮಲ್ಲಿಕರ್ಜುನ ಖುಬಾ ಫೇಸ್ಬುಕ್ ನಲ್ಲಿ ಪೋಸ್ಟ್ ಮಾಡಿ ಕಿಡಿಕಾರಿದ್ದಾರೆ.
ಶಾಸಕ ಸಲಗರ ವಿರುದ್ಧ ಬೀದರ ಜಿಲ್ಲಾದ್ಯಂತ ಶ್ರೀರಾಮ ಭಕ್ತರು ಆಕ್ರೋಶ ಹೊರ ಹಾಕುತ್ತಿದ್ದಾರೆ. ಪ್ರಚಾರದ ಭರಾಟೆಯಲ್ಲಿ ಶಾಸಕ ಸಲಗರ ಮಹಾಯಡವಟ್ಟು ಸಖತ್ ಸುದ್ದಿಯಲ್ಲಿದೆ.
'ರಾಮನ ಮರ್ತಿ ಮೇಲೆ ನಿಂತಿದ್ದ ಪೋಟೊ ಡಿಲೀಟ್ ಮಾಡಿ ರಾಮ ಭಕ್ತರಲ್ಲಿ ಶುಕ್ರವಾರ ಶಾಸಕ ಶರಣು ಸಲಗರ್ ಕ್ಷಮೆ ಕೇಳಿದ್ದಾರೆ.
