ಸುದ್ದಿಮೂಲ ವಾರ್ತೆ
ನೆಲಮಂಗಲ, ಅ. 22 : ತಾಲೂಕಿನ ಸೋಂಪುರ ನಾಡಕಚೇರಿಯಲ್ಲಿ ದಸಾರ ಹಬ್ಬವನ್ನು ಸಂಭ್ರಮದಿಂದ ಆಚರಿಸಲಾಯಿತು. ತಹಶೀಲ್ದಾರ್ ಕೆ.ಆರುದಂತಿ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಶುಭಕೋರಿದರು.
ಬಳಿಕ ಮಾತನಾಡಿ, ಇಂದು ಸೋಂಪುರ ನಾಡ ಕಚೇರಿ, ತ್ಯಾಮಗೋಂಡ್ಲು ನಾಡ ಕಚೇರಿ ಹಾಗು ನೆಲಮಂಗಲ ಕಚೇರಿಗಳಲ್ಲಿ ದಸರಾ ಆಚರಿಸುತ್ತಿದ್ದೆವೆ. ಇದು ನವರಾತ್ರಿ ಸಂಭ್ರರಮವಾಗಿರುವುದರಿಂದ ನವರಾತ್ರಿಯ ದೇವಿಗಳನ್ನು ಪೂಜಿಸಲಾಗುವುದು. ಇದರಿಂದ ದೇವರು ಶಾಂತಿ ಹಾಗು ನೆಮ್ಮದಿ ನೀಡಲಿ ಎಂದು ಪ್ರಾರ್ಥಿಸಿದರು.
ಇದೇ ವೇಳೆ, ಪಂಚಾಯತಿಯ ಎಲ್ಲಾ ಸಿಬ್ಬಂದಿಗೆ ಸಮವಸ್ತ್ರ ವಿತರಿಸಿದರು ಹಾಗೂ ಟ್ರಾಕ್ಟರ್ ಇನ್ನಿತರ ವಾಹನಗಳನ್ನು ಹೂಗಳಿಂದ ಸಿಂಗರಿಸಿ ಪೂಜೆ ನೆರವೇರಿಸಿದರು.
ಉಪತಹಶೀಲ್ದಾರ್ ಬಿ.ಸಿ.ಶಶಿಧರ, ರಾಜಸ್ವ ನೀರಿಕ್ಷಕ ಎಚ್.ಎಂ.ಕುಮಾರಸ್ವಾಮಿ, ಮುನಿರಾಜು, ಗ್ರಾಮ ಲೆಕ್ಕಿಗರಾದ ಕಿರಣ್ ಪ್ರಕಾಶ್, ಭಾಲಕೃಷ್ಣ, ಮಮತಾ, ಪುಷ್ಪ, ಎಸ್.ನಾಗರಾಜು, ಗೊಪಾಲ್ , ಲೋಕೇಶ್, ಸಿಬ್ಬಂದಿ ಹನುಮಂತರಾಜು, ಗಂಗಾದರ್, ಮಂಜುನಾಥ, ಜಯರಾಮಯ್ಯ, ಕೆಂಪಣ್ಣ ಇದ್ದರು.
