ನವದೆಹಲಿ, ಏ.19: ಕರ್ನಾಟಕ ರಾಜ್ಯ ರಸ್ತೆ ಸಾರಿಗೆ ನಿಗಮದ ಮೈಸೂರು ವಿಭಾಗದ 33 ವರ್ಷಗಳ ಅಪಘಾತ ರಹಿತ ಚಾಲನಾ ಸೇವೆ ಸಲ್ಲಿಸಿರುವ ಚಾಲಕರುಗಳಾದ ಹುಣಸೂರು ಘಟಕದ ಎಜಾಜ್ ಅಹಮದ್ ಶರೀಫ್, ಸಾತಗಳ್ಳಿ ಘಟಕದ ಇಶಾಕ್ ಶರೀಫ್ ಅವರಿಗೆ ಎಸ್ಆರ್ಟಿಯುನ ಹೀರೋಸ್ ಆನ್ ದ ರೋಡ್ ಸುರಕ್ಷಾ ಪ್ರಶಸ್ತಿ ಲಭಿಸಿದೆ.
ಇಂದು ನವದೆಹಲಿಯಲ್ಲಿ ಆಯೋಜಿಸಿದ್ದ ಪ್ರಶಸ್ತಿ ಪ್ರಧಾನ ಸಮಾರಂಭದಲ್ಲಿ ನಿಗಮದ ವಿಜೇತ ಚಾಲಕರುಗಳಿಗೆ ಪ್ರಶಸ್ತಿ ಮತ್ತು ರೂ.10,000 ನಗದು ಪುರಸ್ಕಾರವನ್ನು ರಸ್ತೆ ಸಾರಿಗೆ ಹಾಗೂ ಹೆದ್ದಾರಿ ಸಚಿವಾಲಯ ಕಾರ್ಯದರ್ಶಿ ಅಲ್ಕಾ ಉಪಾಧ್ಯಾಯ ಪ್ರದಾನ ಮಾಡಿದರು.
ಈ ವೇಳೆ ರಾಜ್ಯ ರಸ್ತೆ ಸಾರಿಗೆ ನಿಗಮಗಳ ಒಕ್ಕೂಟ ( ಎಎಸ್ಆರ್ಟಿಯು) ಅಧ್ಯಕ್ಷ ಶೇಖರ್ ಚನ್ನೆ, ಉಪಾಧ್ಯಕ್ಷರು, ಮಹಾರಾಷ್ಟ್ರ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ವ್ಯವಸ್ಥಾಪಕ ನಿರ್ದೇಶಕರು ಹಾಜರಿದ್ದರು.
