ಸುದ್ದಿಮೂಲ ವಾರ್ತೆ
ಆನೇಕಲ್, ಮೇ 13: ಶಾಸಕ ಬಿ. ಶಿವಣ್ಣನವರು ಮಾಡಿದ ಅಭಿವೃದ್ಧಿ ಕಾರ್ಯಗಳೇ ಅವರನ್ನು ಮತದಾರರು ಕೈ ಹಿಡಿಯಲು ಕಾರಣ ಎಂದು ಆನೇಕಲ್ ತಾಲೂಕು ಸರ್ಜಾಪುರ ಹೋಬಳಿ ಬ್ಲಾಕ್ ಕಾರ್ಯಧ್ಯಕ್ಷರು ಹುಸ್ಕೂರ್ ಮಂಜುನಾಥ್ ತಿಳಿಸಿದರು.
ಅವರು ಚಂದಾಪುರ ಸರ್ಕಲ್ನಲ್ಲಿ ಶಾಸಕ ಬಿ ಶಿವಣ್ಣ ಜಯಶೀಲರಾದ ಹಿನ್ನೆಲೆಯಲ್ಲಿ ವಿಜಯೋತ್ಸವದ ಸಂಭ್ರಮಾಚರಣೆ ನಡೆಸಿ ಬಳಿಕ ಸುದ್ದಿಗಾರರೊಂದಿಗೆ ಮಾತನಾಡಿದರು.
ವಿರೋಧ ಪಕ್ಷದವರ ಹಣ ಮತ್ತು ಸುಳ್ಳು ಭರವಸೆಗಳಿಗೆ ಆನೇಕಲ್ ವಿಧಾನಸಭಾ ಕ್ಷೇತ್ರದ ಜನತೆ ಇಂದು ಮಾರುಹೋಗುವುದಿಲ್ಲ ಎಂದು ಮತ್ತೊಮ್ಮೆ ಶಾಸಕ ಬಿ ಶಿವಣ್ಣನವರನ್ನ ಆಯ್ಕೆ ಮಾಡಿ ಸಾಬೀತುಪಡಿಸಿದ್ದಾರೆ ಎಂದರು..
ಕಾಂಗ್ರೆಸ್ ಮುಖಂಡ ಕೃಷ್ಣಮೂರ್ತಿ ಮಾತನಾಡಿ, ಬಿ ಶಿವಣ್ಣನವರನ್ನು ಮೂರನೇ ಬಾರಿ ಆನೇಕಲ್ ವಿಧಾನಸಭಾ ಕ್ಷೇತ್ರದ ಜನ 30,000ಕ್ಕೂ ಅಧಿಕ ಮತಗಳಿಂದ ಆಯ್ಕೆ ಮಾಡಿರುವುದು ಬಹಳ ಸಂತೋಷವಾಗಿದೆ. ಅವರ ಸರಳ ಸಜ್ಜನಿಕೆ ರಾಜಕಾರಣ ಹಾಗೂ ಕ್ಷೇತ್ರಕ್ಕೆ ಕಾವೇರಿ ಕುಡಿಯುವ ನೀರು ಬಹುತೇಕ ಎಲ್ಲಾ ದೀಪದ ರಸ್ತೆಗಳನ್ನು ಮಾಡಿರುವುದೇ ಅವರ ಮರು ಆಯ್ಕೆಗೆ ಸಹಕಾರಿಯಾಗಿದೆ ಎಂದರು.
ಇದೇ ಸಂದರ್ಭದಲ್ಲಿ ಕಾಂಗ್ರೆಸ್ ಬೆಂಗಳೂರು ಜಿಲ್ಲಾ ಕಾರ್ಯಾಧ್ಯಕ್ಷರು ಕೃಷ್ಣಮೂರ್ತಿ, ಮಂಚನಹಳ್ಳಿ ರಾಜು ರಾಮಸ್ವಾಮಿ ಮತ್ತಿರರು ಹಾರಾಜರಿದ್ದರು.
