ಆನೇಕಲ್‌ಗೆ ಶುದ್ಧ ನೀರು ಬೇಕಾದರೆ ಆಪ್ ಬೆಂಬಲಿಸಿ: ಮುನೇಶ್

ಸುದ್ದಿಮೂಲ ವಾರ್ತೆ
ಆನೇಕಲ್, ಏ.28: ಆನೇಕಲ್ ತಾಲ್ಲೂಕಿಗೆ ಶುದ್ಧ ಕುಡಿಯುವ ನೀರು ಬೇಕಾದರೆ ಆಮ್‌ ಆದ್ಮಿ ಪಕ್ಷಕ್ಕೆ ಬೆಂಬಲಿಸಿ ಎಂದು ಆನೇಕಲ್‌ ಆಪ್‌ ಅಭ್ಯರ್ಥಿ ಎಂ. ಮುನೇಶ್ ಹೇಳಿದರು.

ಆನೇಕಲ್ ತಾಲ್ಲೂಕಿನ ಜನರು ಕೊಳಚೆ ನೀರನ್ನ ಕುಡಿಯಬಾರದು. ಇದುವರೆಗೆ ಕುಡಿದಿದ್ದು ಸಾಕು. ಇನ್ನು ಮುಂದೆ ಶುದ್ಧ ನೀರು ಕುಡಿಯಬೇಕು ಎಂದಾದರೆ ನನಗೊಂದು ಅವಕಾಶ ಮಾಡಿಕೊಡಿ ಎಂದು ಅವರು ಮನವಿ ಮಾಡಿದರು.

ಸುದ್ದಿಗೋಷ್ಠಿಯಲ್ಲಿ ಭಾಗವಹಿಸಿ ಮಾತನಾಡಿದ ಅವರು, ಈ ಬಾರಿ ಎಎಪಿಗೆ ದಲಿತಪರ ಸಂಘಟನೆಗಳು ಬೆಂಬಲ ಸೂಚಿಸುತ್ತಿವೆ. ಎಎಪಿ ಬಡವರ ಪಕ್ಷ ಜನಸಾಮಾನ್ಯರ ಪಕ್ಷ. ರಾಜಸ್ಥಾನ ಮತ್ತು ಡೆಲ್ಲಿಯಲ್ಲಿ ಅಧಿಕಾರವನ್ನು ಪಡೆದುಕೊಂಡು ಸಾಮಾಜಿಕ ಕೆಲಸಗಳನ್ನು ಮಾಡುತ್ತಾ ಬಂದಿದೆ. ಹಾಗಾಗಿ ಈ ಪಕ್ಷದಿಂದ ಆನೇಕಲ್ ಅಭ್ಯರ್ಥಿಯಾಗಿ ಸ್ಪರ್ಧಿಸಿದ್ದೇನೆ ಎಂದರು.

ರಾಜಕೀಯ ಪಕ್ಷಗಳು ತಲತಲಾಂತರ ತಿನ್ನುವಷ್ಟು ಆಸ್ತಿಗಳನ್ನು ಮಾಡಿಕೊಂಡು ಜನಸಾಮಾನ್ಯರಿಗೆ ವಂಚನೆ ಮಾಡುತ್ತಿದೆ. ಹೀಗಾಗಿ ನಿಮ್ಮ ಸೇವೆ ಮಾಡಲು ನನಗೊಂದು ಅವಕಾಶ ಮಾಡಿಕೊಡಿ ಎಂದು ಮುನೇಶ್ ಮತದಾರರ ಬಳಿ ಮನವಿ ಮಾಡಿದರು.