ಬೆಂಗಳೂರು,ಏ,೦5: ವಿಧಾನಸಭಾ ಚುನಾವಣೆಯಲ್ಲಿ ಮುಖ್ಯಮಂತ್ರಿ ಬಸವರಾಜ ಬೊಮ್ಮಾಯಿ ಅವರನ್ನು ಬೆಂಬಲಿಸುತ್ತೇನೆ ಎಂದು ನಟ ಕಿಚ್ಚ ಸುದೀಪ್ ಹೇಳಿದರು.
ಇಂದು ಬೆಂಗಳೂರಿನ ಹೋಟೆಲ್ ಅಶೋಕದಲ್ಲಿ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ ಸುದ್ದೀಪ್, ಸಿ.ಎಂ ಅವರ ಪರವಾಗಿ ನಿಲ್ಲುತ್ತೇನೆ ನನ್ನ ಬೆಂಬಲ ಅವರಿಗೆ ಇದೆ. ನನ್ನ ಕಷ್ಟದ ಸಂದರ್ಭದಲ್ಲಿ ಬೊಮ್ಮಾಯಿ ಅವರು ಸ್ಪಂಧಿಸಿದ್ದರು ಅದರ ಪ್ರತಿಫಲವಾಗಿ ನಾನು ಕೂಡ ಅವರ ಬೆಂಬಲ್ಲಕ್ಕೆ ನಿಲ್ಲುತ್ತೇನೆ ಎಂದು ಮಾಹಿತಿ ನೀಡಿದರು.
ನಾನು ಸಿನಿಮಾಗೆ ಎಂಟ್ರಿ ಕೊಟ್ಟಾಗ ಬಸವರಾಜ್ ಬೊಮ್ಮಾಯಿ ಅವರು ಸಹಕರಿಸಿದ್ದರು. ನನ್ನ ಕಷ್ಟದ ಸಂದರ್ಭದಲ್ಲಿ ಸಹಕರಿಸಿದ್ದರಲ್ಲಿ ಬೊಮ್ಮಾಯಿ ಕೂಡ ಒಬ್ಬರು ಅದರಂತೆ ನಾನು ಕೂಡ ಅವರಿಗೆ ಬೆಂಬಲ ನೀಡುತ್ತೇನೆ ಎಂದು ಸ್ಪಷ್ಟಪಡಿಸಿದರು.
ರಾಜಕೀಯ ಪಕ್ಷಗಳಿಗೆ ಬೆಂಬಲಿಸುತ್ತಿಲ್ಲ, ಕೆಲವು ವ್ಯಕ್ತಿಗಳಿಗೆ ಮಾತ್ರ ಬೆಂಬಲ ನೀಡುತ್ತಿದೇನೆ. ಎಲ್ಲರನ್ನು ಮೆಚ್ಚಿಸುವ ಉದ್ದೇಶ ಇಲ್ಲ ಇದಿದ್ದರೇ ನಾನು ಇಲ್ಲಿಗೆ ಬರುತ್ತಿರಲಿಲ್ಲ, ಬೇರೆ ಪಕ್ಷದವರು ನನ್ನ ಕಷ್ಟ ಸುಖಕ್ಕೆ ಸ್ಪಂದಿಸಿದ್ದರೆ, ನನ್ನು ಕೂಡ ಅವರ ಬೆಂಬಲಕ್ಕೆ ನಿಲ್ಲುತ್ತಿದ್ದೆ ಎಂದು ಮಾಹಿತಿ ನೀಡಿದರು.
ನಾನು ವ್ಯಕ್ತಿಗೆ ಬೆಂಬಲ್ಲ ನೀಡುತ್ತಿದೇನೆ ಹೊರತು ಬಿಜೆಪಿಗಲ್ಲ, ಪ್ರೀತಿಯ ಕಾರಣಕ್ಕಾಗಿ ಬಂದಿದ್ದೇನೆ, ಒತ್ತಡದ ಮೇಲೆ ಬರುವ ವ್ಯಕ್ತಿ ಅಲ್ಲ, . ನನ್ನ ಬೆಂಬಲ ಬೊಮ್ಮಾಯಿ ಅವರಿಗೆ ಇದೆ. ಅದಲ್ಲದೇ ಪ್ರಚಾರಕ್ಕೆ ಎಲ್ಲ ಕಡೆ ಹೋಗಲು ಆಗುವುದಿಲ್ಲ, ಇಂತವರಿಗೆ ಬೆಂಬಲ ಕೊಡಿ ಎಂದು ಹೇಳಿದರೆ ನಾನು ಕೊಡುತ್ತೇನೆ ಎಂದು ಕಿಚ್ಚ ಸುದೀಪ್ ಹೇಳಿದರು.
ಪ್ರಕಾಶ್ ರಾಜ್ ಅವರ ಟ್ವಿಟರ್ ಹೇಳಿಕೆಗೂ ಕೂಡ ಕಿಚ್ಚ ಪ್ರತಿಕ್ರಿಯೇ ನೀಡಿದರು. ಪ್ರಕಾಶ್ ರಾಜ್ ಅವರು ಒಳ್ಳೆಯ ಕಲಾವಿದರು ಅವರೊಂದಿಗೆ ಇಗಾಗಲೇ ಅನೇಕ ಸಿನಿಮಾ ಮಾಡಿದ್ದೇನೆ. ಮುಂದೆನು ಇನ್ನೂ ಹೆಚ್ಚು ಸಿನಿಮಾ ಮಾಡುತ್ತೇನೆ ಎಂದಷ್ಟೇ ಹೇಳಿದರು.
