ಸುದ್ದಿಮೂಲ ವಾರ್ತೆ
ದೇವನಹಳ್ಳಿ, ಜು 24 : ಪಟ್ಟಣದ ಹೊಸ ಬಸ್ ನಿಲ್ದಾಣದಲ್ಲಿ ದೇವನಹಳ್ಳಿ ಮಾರ್ಗವಾಗಿ ಹಳ್ಳಿಗಳ ಮೇಲೆ ಸಂಪರ್ಕ ಕಲ್ಪಿಸುವ ರಸ್ತೆಯಲ್ಲಿ ವಿಜಯಪುರಕ್ಕೆ ತೆರಳುವ ಬಸ್ ಸಂಚಾರಕ್ಕೆ ಸಚಿವ ಕೆ.ಎಚ್.ಮುನಿಯಪ್ಪ ಮತ್ತು ಶಾಸಕ ಪ್ರದೀಪ್ ಈಶ್ವರ್ ಚಾಲನೆ ನೀಡಿದರು.
ದೇವನಹಳ್ಳಿ ಪಟ್ಟಣದಿಂದ ಯಲಿಯೂರು, ಹಳಿಯೂರು, ದೊಡ್ಡತತ್ತಮಂಗಲ, ಚಿಕ್ಕತತ್ತಮಂಗಲ, ತಿಮ್ಮನಹಳ್ಳಿ, ಗಡ್ಡದನಾಗೇನಹಳ್ಳಿ, ಮಂಡಿಬೆಲೆ ಮಾರ್ಗವಾಗಿ ವಿಜಯಪುರ ಪಟ್ಟಣಕ್ಕೆ ಬಸ್ ಸಂಚಾರ ಮಾಡಲಿದ್ದು, ಈ ಗ್ರಾಮಗಳ ರೈತರು, ವಿದ್ಯಾರ್ಥಿಗಳು ಮತ್ತು ಸಾರ್ವಜನಿಕರು ಇದರ ಸದುಪಯೋಗವನ್ನು ಪಡಿಸಿಕೊಳ್ಳಬೇಕು ಎಂದು ಸಚಿವ ಕೆ.ಎಚ್.ಮುನಿಯಪ್ಪ ತಿಳಿಸಿದರು.
ಶಾಸಕ ಪ್ರದೀಪ್ ಈಶ್ವರ್ ಮಾತನಾಡಿ, ಬಸ್ ವ್ಯವಸ್ಥೆ ಕಲ್ಪಿಸುವಂತೆ ಸಚಿವರ ಗಮನಕ್ಕೆ ತರಲಾಗಿತ್ತು. ಜನಪರ ಕಾಳಜಿಯನ್ನು ಹೊಂದಿರುವ ಸಚಿವರು ದೇವನಹಳ್ಳಿಗೆ ಸಿಕ್ಕಿದ್ದಾರೆ. ಗಡ್ಡದನಾಯಕನಹಳ್ಳಿ ಗ್ರಾಮದಲ್ಲಿ ಬಸ್ ವ್ಯವಸ್ಥೆಯೇ ಇರಲಿಲ್ಲ. ಇದೀಗ ಬಸ್ ಸಂಚಾರ ಮಾಡುತ್ತಿರುವುದು ಸಂತಸವಾಗಿದೆ. ಈ ಗ್ರಾಮದಲ್ಲಿ ಚಿಕ್ಕಮಕ್ಳಳು, ವಿದ್ಯಾರ್ಥಿಗಳು, ಸೈಕಲ್ ಅಥವಾ ಬೈಕ್ ಸವಾರರಿಗೆ ಕಾದು ಹೋಗುವ ಪರಿಸ್ಥಿತಿ ಇತ್ತು ಎಂದು ಹೇಳಿದರು.
ಇದೇ ಸಂದರ್ಭದಲ್ಲಿ ತಹಶೀಲ್ದಾರ್ ಶಿವರಾಜ್, ಕಾಂಗ್ರೆಸ್ ಮುಖಂಡರಾದ ಒಬಿಸಿ ರಾಜ್ಯ ಉಪಾಧ್ಯಕ್ಷ ಸಿ.ಜಗನ್ನಾಥ್, ಎಸ್.ಆರ್.ರವಿಕುಮಾರ್, ಗೋಪಾಲಕೃಷ್ಣ, ರಾಮಚಂದ್ರಪ್ಪ, ಶ್ರೀಧರ್, ಮುನಿಕೃಷ್ಣ, ವೇಣುಗೋಪಾಲ್, ರಮೇಶ್, ವೆಂಕಟಾಚಲ, ಪುರಸಭಾ ಸದಸ್ಯರು, ಕೆಎಸ್ಆರ್ಟಿಸಿ ಜಿಲ್ಲಾ ಸಂಚಾರಿ ನಿಯಂತ್ರಣಾಧಿಕಾರಿ ವಿಮವರ್ಧನ ನಾಯ್ಡು, ಡಿಟಿಒ ಮಂಜುನಾಥ, ನರಸಿಂಹರೆಡ್ಡಿ, ಡಿಪೋ ವ್ಯವಸ್ಥಾಪಕಿ ಶಿಲ್ಪ, ಕಾನೂನು ವಿಭಾಗಾಧಿಕಾರಿ ರಾಧ, ಸಿಬ್ಬಂದಿಗಳಾದ ಚನ್ನಣ್ಣನವರ್, ಮಾರ್ಗ ಅಧಿಕಾರಿ ವಾಜೀದ್, ಸಾರ್ವಜನಿಕರು, ಇದ್ದರು.
