ಸುದ್ದಿಮೂಲ ವಾರ್ತೆ ,
ಚಿತ್ತಾಪುರ ಏ೦೪: ಬಂಜಾರ ಸಮಾಜದ ಸಾಧು ಸಂತ ಮಹಾರಾಜದ ಆದೇಶದ ಮೇರೆಗೆ ಒಳ ಮೀಸಲಾತಿ ರದ್ದು ಮಾಡಿ ಬಂಜಾರ ಸಮಾಜಕ್ಕೆ ನ್ಯಾಯ ನೀಡಬೇಕು ಎಂದು ಒತ್ತಾಯಿಸಿ ಏ. ೬ ರಂದು ಚಿತ್ತಾಪುರ ಪಟ್ಟಣದಲ್ಲಿ ಬೃಹತ್ ಪ್ರತಿಭಟನೆಯನ್ನು ಹಮ್ಮಿಕೊಳ್ಳಲಾಗುತ್ತಿದೆ ಎಂದು ಬಂಜಾರ ಸಮಾಜ ತಾಲೂಕು ಅಧ್ಯಕ್ಷ ಭೀಮಸಿಂಗ್ ಚವ್ಹಾಣ ಹಾಗೂ ಪುರಸಭೆ ಸದಸ್ಯ ಜಗದೀಶ ಚವ್ಹಾಣ ತಿಳಿಸಿದ್ದಾರೆ.
ಪಟ್ಟಣದಲ್ಲಿ ಸುದ್ದಿಗೊಷ್ಟಿಯಲ್ಲಿ ಮಾತನಾಡಿದ ಅವರು ಕೇಂದ್ರ ಸರ್ಕಾರವು ರಾಜ್ಯ ಮತ್ತು ಬಂಜಾರ ಸಮಾಜದಕ್ಕೆ ಅನ್ಯಾಯವನ್ನು ಮಾಡಿದ್ದು ಒಳಮೀಸಲಾತಿಯಲ್ಲಿ ಬಂಜಾರ ಸಮಾಜಕ್ಕೆ ಅನ್ಯಾಯವಾಗಿದ್ದು ಈ ಮೀಸಲಾತಿಯನ್ನು ರದ್ದು ಮಾಡಬೇಕು ಎಂದು ಒತ್ತಾಯಿಸಿ ಎ. ೬ರಂದು ಪಟ್ಟಣದ ಚಿತ್ತಾವಲಿ ಚೌಕ ದಿಂದ ಬೃಹತ್ ಪ್ರತಿಭಟನೆ ಮೆರವಣೆಗೆಯನ್ನು ಹಮ್ಮಿಕೊಂಡಿದ್ದು ಭುವನೇಶ್ವರ ಚೌಕ, ಲಾಡ್ಡಿಂಗ್ ಕ್ರಾಸ ಮುಖಾಂತರ ತಾಲೂಕು ಆಢಳಿತ ಕಚೇರಿವರೆಗೆ ಪ್ರತಿಭಟನೆಯನ್ನು ನಡೆಸಿ ಸರ್ಕಾರಕ್ಕೆ ಮನವಿ ಪತ್ರವನ್ನು ಸಲ್ಲಿಸಲಾಗುವುದು ಎಂದು ತಿಳಿಸಿದರು.
ಪ್ರತಿಭಟನೆಯಲ್ಲಿ ಎಲ್ಲಾ ನಾಯಕರು, ಕಾರಬಾರಿ, ವಿದ್ಯಾರ್ಥಿ ವಿದ್ಯಾರ್ಥಿನಿಯರು, ಸಮಾಜದ ಹಿತ ಚಿಂತಕರು ಹೆಚ್ಚಿನ ಸಂಖ್ಯೆಯಲ್ಲಿ ಭಾಗಿಯಾಗಿ ಪ್ರತಿಭಟನೆಯನ್ನು ಯಶಸ್ವಿಗೊಳಿಸಬೇಕು ಎಂದು ಒತ್ತಾಯಿಸಿದರು. ನಾಮದೇವ ರಾಠೋಡ, ಚಂದು ಜಾಧವ, ನೀಲಕಂಠ ಪವಾರ, ಹರಿಸಿಂಗ್ ರಾಠೋಡ, ವಿಶಾಲ ನಾಯಕ, ವಿಜಯಕುಮಾರ ಚವ್ಹಾಣ, ಸುಭಾಷ್ ಜಾದವ್, ಮಹಾದೇವ ರಾಠೋಡ,ಅಪ್ಪು ಚವ್ಹಾಣ, ಕಪಿಲ್ ಪವಾರ್, ರಾಜು ಚವ್ಹಾಣ, ಭಾರತ ರಾಠೋಡ, ಇದ್ದರು.
