ಶಾಲಾ ಮಕ್ಕಳಿಂದ ಅಣಕು ಸಂಸತ್ ಚುನಾವಣೆ

ಸುದ್ದಿಮೂಲ ವಾರ್ತೆ

ಮಾಲೂರು, ಜು 10 : ಕುಡಿಯನೂರು ಸರ್ಕಾರಿ ಉನ್ನತೀಕರಿಸಿದ ಹಿರಿಯ ಪ್ರಾಥಮಿಕ ಶಾಲಾ ಮಕ್ಕಳಿಂದ ಅಣಕು ಸಂಸತ್ ಚುನಾವಣೆ ನಡೆಯಿತು.

ಕ್ಷೇತ್ರ ಶಿಕ್ಷಣಾಧಿಕಾರಿ ಎಚ್.ಎಸ್ ಚಂದ್ರಕಲಾ ಮಾತನಾಡಿ, ಚುನಾವಣೆ ಪ್ರಕ್ರಿಯೆಗಳನ್ನು ಮಕ್ಕಳೇ ಮತಗಟ್ಟೆ ಅಧಿಕಾರಿಗಳಾಗಿ ಕಾರ್ಯನಿರ್ವಹಿಸುತ್ತಿರುವುದು ಹಾಗೂ ಮಕ್ಕಳಲ್ಲಿ ನಾಯಕತ್ವದ ಗುಣಗಳನ್ನು ಬೆಳೆಸುವ ಪ್ರಜಾಪ್ರಭುತ್ವದ ಆಶಯಗಳನ್ನು ಶಾಲಾ ಹಂತದಲ್ಲಿ ಕಲಿಯಲು ಪೂರಕವಾಗಿದೆ ಈ ಅಣಕು ಸಂಸತ್‌ ಚುನಾವಣೆ. ಶಾಲಾ ಸಂಸತ್, ಮಂತ್ರಿ ಮಂಡಲ ರಚನೆ ಮಹತ್ವ, ಅಗತ್ಯತೆ ಮಕ್ಕಳಿಗೆ ಶಾಲೆಯಲ್ಲಿ ಬಿತ್ತುವುದಕ್ಕೆ ಶಿಕ್ಷಣ ಇಲಾಖೆ ಅವಕಾಶ ಕಲ್ಪಿಸಿದೆ ಎಂದರು.

ಮುಖ್ಯ ಶಿಕ್ಷಕಿ ಅನುಪಮ ಮಾತನಾಡಿ, ಮತದಾನ ಮಾಡುವ ವಿಧಿ ವಿಧಾನಗಳ ಬಗ್ಗೆ ಮಕ್ಕಳ ಭಾಗವಹಿಸುವಿಕೆ ಅತೀ ಮುಖ್ಯ. ಇದರಿಂದ ಪ್ರಜಾಪ್ರಭುತ್ವ ಬಗ್ಗೆ ಚುನಾವಣೆ ಪ್ರಕ್ರಿಯೆ ಬಗ್ಗೆ ಅರಿಯಬಹುದು ಎಂದು ತಿಳಿಸಿದರು.

ಚುನಾವಣೆ ಅಧಿಕಾರಿಯಾಗಿ ಶಿಕ್ಷಕರಾದ ವಿಜಯ ಲಕ್ಷ್ಮಿ ಮಂಜುಳ ವಹಿಸಿದ್ದರು. ನಾಗರಾಜಾಚಾರಿ, ವಿಶ್ವಪ್ರಸಾದ್, ಶಾರದ, ರೇಣುಕಾ ಶಿಕ್ಷಕರು ಪ್ರಕ್ರಿಯೆಯಲ್ಲಿ ಭಾಗವಹಿಸಿದ್ದರು,