ಮೈಸೂರು, ಜೂನ್. 02: ಕೊಳ್ಳೇಗಾಲ ಟಿ.ನರಸೀಪುರ ಮುಖ್ಯ ರಸ್ತೆಯಲ್ಲಿ ಕಳೆದ ಸೋಮವಾರ ನಡೆದಿದ್ದ ರಸ್ತೆ
ಅಪಘಾತದಲ್ಲಿ ಬಳ್ಳಾರಿ ಸಮೀಪದ ಸಂಗನಕಲ್ಲು ಗ್ರಾಮದ ಒಂಭತ್ತು ಜನರು ಸ್ಥಳದಲ್ಲೇ ಮೃತಪಟ್ಟ ಘಟನೆಗೆ ಸಂಬAಧಿಸಿದAತೆ ಮತ್ತೋರ್ವ ಶುಕ್ರವಾರ ಮೃತಪಟ್ಟಿದ್ದು, ಇನ್ನಿಬ್ಬರು ಚಿಕಿತ್ಸೆ ಪಡೆಯುತ್ತಿದ್ದಾರೆ.
ಮೃತನ ಹೆಸರು ಶಶಿಕುಮಾರ್. ಶುಕ್ರವಾರ ಬೆಳಗ್ಗೆ 10 ಗಂಟೆ ಸುಮಾರಿಗೆ ಕೆಆರ್ ಆಸ್ಪತ್ರೆಯ ವೈದ್ಯರು ಶಶಿಕುಮಾರ್ ಮೃತಪಟ್ಟಿರುವುದಾಗಿ ಘೋಷಣೆ ಮಾಡಿದರು. ಈ ಮೂಲಕ ಶೋಕದ ಮಡುವಿನಲ್ಲಿದ್ದ ಸಂಗನಕಲ್ಲು ಗ್ರಾಮದಲ್ಲಿ ಮತ್ತಷ್ಟು ಶೋಕ ತುಂಬಿದೆ. ಈ ಅಪಘಾತದಲ್ಲಿ ಒಟ್ಟು ಮೃತರ ಸಂಖ್ಯೆ 10 ಆಗಿದ್ದು, ಇನ್ನೋವಾ ಕಾರಿನ ಚಾಲಕನನ್ನು ಪೊಲೀಸರು ಬಂಧಿಸಿ ನ್ಯಾಯಾಂಗ ಬಂಧನಕ್ಕೆ ಒಪ್ಪಿಸಿದ್ದಾರೆ.
ಸಂಗನಕಲ್ಲು ಗ್ರಾಮದ ಮೂರು ಕುಟುಂಬಗಳು ಮೇ 27 ರಂದು ಬಳ್ಳಾರಿಯಿಂದ ಮೈಸೂರಿಗೆ ರೈಲಲ್ಲಿ ಪ್ರಯಾಣಿಸಿ, ಪ್ರವಾಸಿತಾಣಗಳು ಮತ್ತು ದೇವಸ್ಥಾನಗಳನ್ನು ವೀಕ್ಷಣೆ ಮಾಡುವ ಯೋಜನೆಯನ್ನು ರೂಪಿಸಿದ್ದರು.
ಮೈಸೂರು ಪಟ್ಟಣದಲ್ಲಿ ಇನ್ನೋವಾ ಕಾರನ್ನು ಬಾಡಿಕೆ ಪಡೆದಿದ್ದ ಇವರು ಸೋಮವಾರ ಮಲೈಮಹದೇಶ್ವರ ಬೆಟ್ಟಕ್ಕೆ ಹೋಗಿ ಹಿಂದಿರುಗುತ್ತಿದ್ದಾಗ ಪಿಂಜರಪೋಲ್ ಬಳಿ ರಸ್ತೆ ತಿರುವಿನಲ್ಲಿ ತೀವ್ರ ವೇಗದಲ್ಲಿದ್ದಾಗ ಎದುರಿಗೆ ಬಂದ ಖಾಸಗಿ ಬಸ್ ಡಿಕ್ಕಿ ಹೊಡೆದ ಕಾರಣ ಕಾರಿನಲ್ಲಿದ್ದ
ಒಂಭತ್ತು ಜನರು ಸ್ಥಳದಲ್ಲೇ ಮೃತಪಟ್ಟು, ಮೂವರು ತೀವ್ರವಾಗಿ ಗಾಯಗೊಂಡಿದದರು. ಈ ಪೈಕಿ ಓರ್ವ ಮೃತಪಟ್ಟಿದ್ದು, ಇನ್ನಿಬ್ಬರು ಕೆಆರ್ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.
