ಗುಟ್ಟಹಳ್ಳಿಯಲ್ಲಿ ನೂತನ ಹಾಲು ಉತ್ಪಾದಕರ ಸಹಕಾರ ಸಂಘ ಆರಂಭ

ಸುದ್ದಿಮೂಲ ವಾರ್ತೆ

ಚಿಂತಾಮಣಿ,ನ.10 : ತಾಲೂಕು ಕೈವಾರ ಹೋಬಳಿ ಮಸ್ತೇನಹಳ್ಳಿ ಗ್ರಾಮ ಪಂಚಾಯಿತಿ ವ್ಯಾಪ್ತಿಯ ಗುಟ್ಟಹಳ್ಳಿ ಗ್ರಾಮದಲ್ಲಿ ನೂತನವಾಗಿ ನಿರ್ಮಾಣ ಮಾಡಿರುವ ಗುಟ್ಟಹಳ್ಳಿ ಹಾಲು ಉತ್ಪಾದಕರ ಸಹಕಾರ ಸಂಘದ ಕಟ್ಟಡವನ್ನು ಸಂಘದ ಅಧ್ಯಕ್ಷ ಹಾಗೂ ಎಲ್ಲಾ ನಿರ್ದೇಶಕರು ಉದ್ಘಾಟಿಸಿದರು.

ಈ ವೇಳೆ ಸಂಘದ ಕಾರ್ಯದರ್ಶಿ ಕೃಷ್ಣಪ್ಪ ಮಾತನಾಡಿ, ಈದಿನ ನಮ್ಮ ಹಾಲು ಉತ್ಪಾದಕರ ಸಂಘ ಕಟ್ಟಡದ ಪ್ರಾರಂಭೋತ್ಸವ ಹಾಗೂ ನವರಾತ್ರಿ ಪೂಜೆಗಳನ್ನು ಮಾಡಲಾಗಿದ್ದು, ನಮ್ಮ ಸಂಘ ಹಲವು ವರ್ಷಗಳಿಂದ ಉತ್ತಮ ರೀತಿಯಲ್ಲಿ ನಡೆದುಕೊಂಡು ಬರುತ್ತಿದ್ದು, ಮುಂದೇಯೂ ಸಹ ಹಾಲು ಉತ್ಪಾದಕರು ಸಂಘಕ್ಕೆ ಉತ್ತಮ ಗುಣಮಟ್ಟದ ಹಾಲನ್ನು ಸರಬರಾಜು ಮಾಡುವುದರ ಮೂಲಕ ಸಂಘದ ಅಭಿವೃದ್ದಿಗೆ ಮತ್ತಷ್ಟು ದುಡಿಯಬೇಕೆಂದರು.

ಈ ಸಂದರ್ಭದಲ್ಲಿ ಗುಟ್ಟಹಳ್ಳಿ ಹಾಲು ಉತ್ಪಾದಕರ ಸಹಕಾರ ಸಂಘದ ಅಧ್ಯಕ್ಷ ನಾರಾಯಣಸ್ವಾಮಿ, ಉಪಾಧ್ಯಕ್ಷ ಎಂ ಶಂಕರಪ್ಪ, ನಿರ್ದೇಶಕರಾದ ಕೋಟಿ ಮುನಿಯಪ್ಪ, ಅಂಜಪ್ಪ, ಮುನಿರೆಡ್ಡಿ, ಹನುಮಂತಪ್ಪ, ಲಕ್ಷ್ಮಿದೇವಮ್ಮ, ಮುನಿರತ್ನಮ್ಮ, ಶ್ರೀನಿವಾಸಪ್ಪ, ಅರ್. ಕೇಶವ, ಮಹೇಶ್, ಹಾಲು ಪರೀಕ್ಷಕ ಮುನಿಕೃಷ್ಣಪ್ಪ ಸೇರಿದಂತೆ ಗುಟ್ಟಹಳ್ಳಿ ಗ್ರಾಮಸ್ಥರು ಮತಿತ್ತರರು ಉಪಸ್ಥಿತಿರಿದ್ದರು.