ಮೈಸೂರು ವಿವಿ ಕುಲಪತಿಯಾಗಿ ಮತ್ತೆ ಪ್ರೊ. ಲೋಕನಾಥ್‌ ನೇಮಕ

ಸುದ್ದಿಮೂಲ ವಾರ್ತೆ

ಮೈಸೂರು,ಸೆ.21:ಮೈಸೂರು ವಿಶ್ವವಿದ್ಯಾಲಯದ ಕುಲಪತಿಯಾಗಿ ಮತ್ತೆ ಪ್ರೊ.ಲೋಕನಾಥ್ ಗುರುವಾರ ಅಧಿಕಾರ ಸ್ವೀಕರಿಸಿದರು.

ಕೆಲ ದಿನಗಳ ಲೋಕನಾಥ್‌ ಅವರನ್ನು ನೇಮಕವನ್ನು ಹೈಕೋರ್ಟ್‌ ರದ್ದು ಮಾಡಿ, ನೂತನ ಕುಲಪತಿ ನೇಮಕ ಮಾಡಲು ಶೋಧನಾ ಸಮಿತಿ ರಚನೆಗೆಆದೇಶ ಮಾಡಿತ್ತು. ಇದನ್ನು ಪ್ರಶ್ನಿಸಿ ಹೈಕೋರ್ಟ್‌ ದ್ವಿಸದಸ್ಯ ಪೀಠದಲ್ಲಿ ಅರ್ಜಿ ಸಲ್ಲಿಸಲಾಗಿತ್ತು. ಇದನ್ನು ವಿಚಾರಣೆ ನಡೆಸಿದ ಪೀಠ ಕುಲಪತಿಯಾಗಿ ಅಧಿಕಾರ ನಿರ್ವಹಿಸಲು ಆದೇಶಿಸಿದೆ. ಆದರೆ ಪ್ರಮುಖ ನಿರ್ಣಯಗಳನ್ನು ತೆಗೆದುಕೊಳ್ಳದಂತೆ ಸೂಚಿಸಲಾಗಿದೆ.

ಲೋಕನಾಥ್ ಅವರ ನೇಮಕ ಕಾನೂನು ಬಾಹಿರ ಎಂದು ಪ್ರಶ್ನಿಸಿ ಪ್ರೊ. ಶರತ್‌ ಅನಂತಮೂರ್ತಿ ಕೋರ್ಟ್ ಮೊರೆ ಹೋಗಿದ್ದರು.ಲೋಕನಾಥ್‌ ಕುಲಪತಿಯಾಗಿ 3 ತಿಂಗಳಷ್ಷೆ ಕಾರ್ಯ ನಿರ್ವಹಿಸಿದ್ದರು. ಹೈಕೋರ್ಟ್‌ ನಲ್ಲಿ ದೂರು ದಾಖಲಾಗಿ ವಿಚಾರಣೆ ಆರಂಭವಾದ ನಂತರ ರಾಜ್ಯಪಾಲರು, ಹಣಕಾಸು ಮತ್ತು ದಿನೇ ದಿನೇ ಆಡಳಿತ ನಿರ್ವಹಣೆ ಮಾಡಲು ರಿಜಿಸ್ಟ್ರಾರ್‌ ಮತ್ತು ಹಣಕಾಸು ಅಧಿಕಾರಿಗೆ ಅಧಿಕಾರ ನೀಡಿದ್ದರು.