ಸೂಲಿಬೆಲೆ, ಏ.18: ಜನ ಸಮಾನ್ಯರಿಗೆ ಸರ್ಕಾರಗಳು ನೀಡದ ಬೇಕಾದ ಮೂಲಭೂತ ಸೌಲಭ್ಯಗಳನ್ನು ನೀಡಲಾಗದ ಬಿಜೆಪಿ ಸರ್ಕಾರವನ್ನು ಕಿತ್ತೊಗೆಯುವ ಸುಸಂದರ್ಭ ಒದಗಿ ಬಂದಿದ್ದು, ಈ ಬಾರಿ ಯುವಕರು ಮತ್ತು ಮತದಾರ ಪ್ರಭುಗಳನ್ನು ಬದಲಾವಣೆ ಬಯಸಿ ಕಾಂಗ್ರೆಸ್ ಸರ್ಕಾರವನ್ನು ಬೆಂಬಲಿಸಿ ಎಂದು ಶಾಸಕ ಶರತ್ ಬಚ್ಚೇಗೌಡ ಮನವಿ ಮಾಡಿದರು.
ಸೂಲಿಬೆಲೆ ಹೋಬಳಿ ದೇವಮೂಲೆ ತೆನೆಯೂರು ಸೋಮೇಶ್ವರ ದೇವಾಲಯದಲ್ಲಿ ಪೂಜೆ ಸಲ್ಲಿಸಿ ಹೋಬಳಿ ಮಟ್ಟದ ಪ್ರಚಾರಕ್ಕೆ ಚಾಲನೆ ನೀಡಿ ಮಾತನಾಡಿದರು.
ಕೆ.ಸಿ.ವ್ಯಾಲಿ ನೀರನ್ನು ಕೋಲಾರಕ್ಕೆ ಹರಿಸಿದ ಸಿದ್ದರಾಮಯ್ಯನವರ ಸರ್ಕಾರದ ಅವಧಿಯಲ್ಲಿ ನಾವು ಹೋರಾಟ ಮಾಡಿ ಹೊಸಕೋಟೆ ತಾಲ್ಲೂಕಿನ ತಾವರೆಕೆರೆ, ಮುಗಬಾಳ, ಅಟ್ಟೂರು ಕೆರೆಗಳಿಗೆ ನೀರು ಬಿಡಿಸುವ ಕೆಲಸ ಮಾಡಿದ್ದೇವೆ. ಅಧಿಕಾರದಲ್ಲಿದ್ದ ಸಚಿವರು ಮೌನವಾಗಿದ್ದರು, ರೈತಪರ ಕಾಳಜಿ ಇಲ್ಲದ ಮೇಲೆ ಅಧಿಕಾರ
ಬಿಡುವುದು ಉತ್ತಮ ಎಂದು ವ್ಯಂಗ್ಯವಾಡಿದರು.
ಸೂಲಿಬೆಲೆ ಹೋಬಳಿ ಹಾಗೂ ನಂದುಗುಡಿ ಹೋಬಳಿ ರೈತರಿಗೆ ಅನುಕೂಲವಾಗುವ ರೀತಿಯಲ್ಲಿ ಏತನೀರಾವರಿ ಯೋಜನೆಯನ್ನು ಮುಂದಿನ ಕಾಂಗ್ರೇಸ್ ಸರ್ಕಾರದ ಅವಧಿಯಲ್ಲಿ ಅನುಷ್ಟಾನ ಮಾಡಿಕೊಡುವುದು ನಿಶ್ಚಿತ. ಕಾಂಗ್ರೆಸ್ ಸರ್ಕಾರ ರಾಜ್ಯದಲ್ಲಿ ಆಡಳಿತದ ಚುಕ್ಕಾಣಿ ಹಿಡಿಯಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.
ಒಕ್ಕಲಿಗ ಸಂಘದ ಮಾಜಿ ನಿರ್ದೇಶಕ ಬಿ.ಎನ್.ಗೋಪಾಲಗೌಡ ಮಾತನಾಡಿ ಹೊಸಕೋಟೆ ಕ್ಷೇತ್ರದಲ್ಲಿ ಕಲಹಗಳನ್ನು ಸೃಷ್ಟಿ ಮಾಡುವ ಇತಿಹಾಸ ಅಂತ್ಯವಾಗಬೇಕು ಎಲ್ಲರೂ ಸಹೋದರರಂತೆ ಜೊತೆಗೂಡಿ ಸಾಗುವ ಅವಕಾಶವಾಗಬೇಕು ಈ ಬಾರಿಯ ಚುನಾವಣೆಯಲ್ಲಿ ಜನತೆ ಕಾಂಗ್ರೆಸ್ ಬಹುಮತ ನೀಡುವ ಮೂಲಕ ಜನಪರ ಹಾಗೂ ಬಡವರ ಪರ ಸರ್ಕಾರ ರಚನೆಯಾಗಲು ಸಹಕಾರ ನೀಡಬೇಕು ಎಂದು ಹೇಳಿದರು.
ತೆನೆಯೂರು,ತಿಮ್ಮಪ್ಪನಹಳ್ಳಿ,ಚಿಕ್
ಬಿಡಿಡಿಸಿ ಬ್ಯಾಂಕ್ ನಿರ್ದೇಶಕ ಬಿ.ವಿ.ಸತೀಶಗೌಡ, ತಾ.ಪಂ.ಮಾಜಿ ಸದಸ್ಯ ಡಾ.ಡಿ.ಟಿ.ವೆಂಕಟೇಶ್, ಯುವ ಮುಖಂಡ ಜಿ.ನಾರಾಯಣಗೌಡ, ಗುಟ್ಟಪ್ಪನವರ ನಾರಾಯಣಸ್ವಾಮಿ, ನಿತೀಷಗೌಡ, ಚಿಕ್ಕಹರಳಗೆರೆ ಮುನೇಗೌಡ, ಜಗದೀಶ್, ಯನಗುಂಟೆ ರಮೇಶ್, ನಗರೇನಹಳ್ಳಿ ನಾಗರಾಜಪ್ಪ, ಶಶಿಮಾಕನಹಳ್ಳಿ ಮುನಿರಾಜು,
ದ್ಯಾವಸಂದ್ರ ವೆಂಕಟೇಗೌಡ, ತಮ್ಮರಸನಹಳ್ಳಿ ಯಾರಬ್, ಅಮ್ಜದ್,
ಇತರರು ಇದ್ದರು.
