ಸುದ್ದಿಮೂಲ ವಾರ್ತೆ
ಬೆಂಗಳೂರು, ಅ.2: ಶ್ರೀ ಅವಧೂತ ಗ್ಲೋಬಲ್ ಫೌಂಡೇಶನ್ನ ನೂತನ ವೆಬ್ಸೈಟ್ (https://avadhoothaglobal.com) ಅನಾವರಣವನ್ನು ಸೋಮವಾರ ಮಾಡಲಾಯಿತು.
ಡಾ. ಮಹೇಂದ್ರನಾಥ ಶರ್ಮಾ ಅವರು ಅಧ್ಯಕ್ಷರಾಗಿರುವ ಶ್ರೀ ಅವಧೂತ ಫೌಂಡೇಷನ್ ಮಂತ್ರಿ ರಚನೆಯಲ್ಲಿ ವಿಶ್ವದಾಖಲೆ ನಿರ್ಮಿಸಿದ ಹೆಗ್ಗಳಿಕೆ ಹೊಂದಿದೆ.
ಸನಾತನದ ಧರ್ಮದ ತಳಹದಿಯ ಮೇಲೆ ಆಧ್ಯಾತ್ಮಕ ಬೆಳಕು ಚೆಲ್ಲವುಂತಹ ಕಾರ್ಯಕ್ರಮಗಳು, ಯೋಗ ಮತ್ತು ವೇದಿಕ್ ಜ್ಞಾನ, ಸಾಮುದಾಯಿಕ ಕಾರ್ಯಕ್ರಮಗಳು, ಆಧ್ಯಾತ್ಮಕ ವಿಷಯಗಳಿಗೆ ಸಂಬಂಧಿಸಿದಂತೆ ವಿವಿಧ ಸಾಧಕರಿಂದ ಕಾರ್ಯಕ್ರಮಗಳು ಸೇರಿದಂತೆ ಸಾಂಸ್ಕೃತಿಕ ಕಾರ್ಯಕ್ರಮಗಳನ್ನು ರೂಪಿಸುವುದು ಮತ್ತು ಮಾಹಿತಿ ಒದಗಿಸುವ ಸಂಬಂಧ ವೆಬ್ಸೈಟ್ ಅನ್ನು ಮಾಹಿತಿ ಪೂರ್ಣವಾಗಿ ರೂಪಿಸಲಾಗಿದೆ.
ಜೆಪಿ ನಗರದ ಅವಧೂತ ವಿಶ್ವಸಂಸ್ಥೆ ಸಭಾಂಗಣದಲ್ಲಿ ಸೋಮವಾರ ನಡೆದ ಕಾರ್ಯಕ್ರಮದಲ್ಲಿ ವೆಬ್ಸೈಟ್ಗೆ ಚಾಲನೆ ನೀಡಲಾಯಿತು. ಕಾರ್ಯಕ್ರಮಕ್ಕೆ ವಿಶೇಷ ಅತಿಥಿಗಳಾಗಿ ಉಷಾ ಕೋಕಿಲ, ರುದ್ರಪಟ್ಟಣಂ ರಾಮನಾಥನ್, ಡಾ. ಗುಣವಂತ ಮಂಜು ಸೇರಿದಂತೆ ಡಾ. ಮಹೇಂದ್ರನಾಥ ಶರ್ಮಾ ಅವರ ಅಪಾರ ಶಿಷ್ಯ ಬಳಗ ಸೇರಿತ್ತು.
ಕಾರ್ಯಕ್ರಮದಲ್ಲಿ ಕಿರಿಯ ಯೋಗ ಸಾಧಕಿ ನೌಲಿ ನಿಕಿತಾ ಯೋಗ ಪ್ರದರ್ಶನ ಮಾಡಿದರು. ಕಾರ್ಯಕ್ರಮವನ್ನು ಚಂದ್ರಕಲಾ ನಿರೂಪಣೆ ಮಾಡಿದರೆ, ಲಯನ್ಸ್ ಕ್ಲಬ್ನ ಮಹಿಳಾ ಮೋರ್ಚಾ ಸದಸ್ಯರು ಹಾಜರಿದ್ದರು.
