ಸುದ್ದಿಮೂಲ ವಾರ್ತೆ
ಯಾದಗಿರಿ,ಸೆ.1:ಆಸ್ತಿ ದುರಾಸೆಗಾಗಿ ಐದು ತಿಂಗಳ ಹಸುಗೂಸನ್ನು ಮಲತಾಯಿ ಹಾಲಿನಲ್ಲಿ ವಿಷ ಹಾಕಿ ಕೊಂದ ಘಟನೆ ಜಿಲ್ಲೆಯ ವಡಗೇರ ತಾಲೂಕಿನ ಬಬಲಾದ ಗ್ರಾಮದಲ್ಲಿ ನಡೆದಿದೆ.
ದೇವಮ್ಮ ಎನ್ನುವ ಮಹಿಳೆ ಮಗುವನ್ನು ಕೊಂದ ಪಾಪಿಯಾಗಿದ್ದು, ಗ್ರಾಮದ ಸಿದ್ದಪ್ಪ ಶೆಟ್ಟಿಗೇರಿ ಅವರ ಮಗುವೇ ಆಸ್ತಿಯ ದುರಾಸೆಗೆ ಬಲಿಯಾಗಿದೆ.
ಸಿದ್ದಪ್ಪ ಶೆಟ್ಟಿಗೇರಿ ಕಳೆದ 11 ವರ್ಷಗಳ ಹಿಂದೆ ಶ್ರೀದೇವಿ ಎನ್ನುವವರೊಂದಿಗೆ ಮದುವೆಯಾಗಿದ್ದು , ಆಕೆಗೆ ಮಕ್ಕಳಾಗಲಿಲ್ಲ ಎಂಬ ಕಾರಣಕ್ಕೆ ಕಳೆದ 7 ವರ್ಷಗಳ ಹಿಂದೆ ದೇವಮ್ಮ ಜೊತೆ ಮದುವೆ ಮಾಡಿಕೊಂಡಿದ್ದಾನೆ. ದೇವಮ್ಮಗೆ 4 ಮಕ್ಕಳಿವೆ. ಆದರೆ, ಕಳೆದ ಐದು ತಿಂಗಳ ಹಿಂದೆ ಮೊದಲ ಪತ್ನಿ ಶ್ರೀದೇವಿಗೆ ಮಗುವಾದ ಕಾರಣ, ಎಲ್ಲಿ ತನ್ನ ಗಂಡನ ಆಸ್ತಿಯಲ್ಲಿ ಅರ್ಧ ಪಾಲು ಶ್ರೀದೇವಿಗೆ ಮಗುವಿಗೆ ಹೋಗುತ್ತದೆ ಎಂಬ ದೂರಾಲೋಚನೆಯ ಹಿನ್ನೆಲೆಯಲ್ಲಿ ದೇವಮ್ಮ ಮಗುವಿಗೆ ಹಾಲು ಕುಡಿಸುವ ನೆಪದಲ್ಲಿ ಅದರಲ್ಲಿ ವಿಷ ಹಾಕಿ ಕೊಂದಿದ್ದಾಳೆ.
ಈ ಬಗ್ಗೆ ಪ್ರಕರಣ ದಾಖಲಿಸಿಕೊಂಡಿರುವ ವಡಗೇರ ಪೊಲೀಸರು ದ್ವೇಮ್ಮಳನ್ನು ಬಂಧಿಸಿ ತಮ್ಮ ವಶಕ್ಕೆ ಪಡೆದುಕೊಂಡು ತನಿಖೆ ನಡೆಸಿದ್ದಾರೆ.
