ಸುದ್ದಿಮೂಲವಾರ್ತೆ
ಕೊಪ್ಪಳ ಜು 17:ಕೊಪ್ಪಳ ಬಸ್ ನಿಲ್ದಾಣದಲ್ಲಿ ಬಸ್ ಹತ್ತುವಾಗ
ರೈತನ ಜೇಬು ಕತ್ತರಿಸಿ ಹಣ ದೋಚಿದ್ದವನನ್ನು ಕೊಪ್ಪಳ ನಗರ ಪೊಲೀಸ್ ಠಾಣೆ ಪೊಲೀಸರು ಬಂಧಿಸಿದ್ದಾರೆ.
ಹುಬ್ಬಳ್ಳಿಯ ಅನಿಲ್ ಕಂಜರಬಾಟ್ ಎಂಬುವವನು ಜು 7 ರಂದು ಹನಕುಂಟಿಯ ಸಿದ್ದಯ್ಯ ಸಾರಂಗಮಠ ಎಂಬುವವರು ಮೆಕ್ಕೆಜೋಳ ಮಾರಾಟ ಮಾಡಿದ 1.60 ಲಕ್ಷ ಹಣವನ್ನು ಜೇಬಿನಲ್ಲಿಟ್ಟುಕೊಂಡು ಹೋಗುವಾಗ ಬಸ್ ರಷ್ ಇರುವ ಹಿನ್ನೆಲೆಯಲ್ಲಿ ಹತ್ತುವಾಗ ಜೇಬಿನಲ್ಲಿದ್ದ ಹಣಕ್ಕೆ ಕತ್ತರಿ ಹಾಕಿ ಎಗರಿಸಿದ್ದ.
ಹಣ ಕಳೆದುಕೊಂಡ ಸಿದ್ದಯ್ಯ ನಗರಠಾಣೆಯಲ್ಲಿ ದೂರು ದಾಖಲಿಸಿದ್ದರು.
ಇತ್ತೀಚಿಗೆ ಅನಿಲ್ ಬಸ್ ನಿಲ್ದಾಣದಲ್ಲಿ ಮತ್ತೆ ಅನುಮಾನಸ್ಪದವಾಗಿ ತಿರುಗಾಡುತ್ತಿದ್ದ. ಈ ಸಂದರ್ಭದಲ್ಲಿ ಪೊಲೀಸರು ವಿಚಾರಣೆಯ ವೇಳೆ ತಡವರಿಸಿದ್ದು ನಂತರ ತಾನು 60 ವಯಸ್ಸಿನವರ ಜೇಬಿನಲ್ಲಿದ್ದ ಹಣ ಎಗರಿಸಿದ್ದನ್ನು ಒಪ್ಪಿಕೊಂಡಿದ್ದಾನೆ.
ಒಂದು ವಾರದಲ್ಲಿ ಬಂಧಿತ 20 ಸಾವಿರ ಖರ್ಚು ಮಾಡಿದ್ದಾಗಿ ಒಪ್ಪಿಕೊಂಡು 1.40 ಲಕ್ಷ ರೂಪಾಯಿ ಹಣವನ್ನು ಪೊಲೀಸರಿಗೆ ನೀಡಿದ್ದಾನೆ.
ಪೊಲೀಸರ ಕಾರ್ಯಾಚರಣೆಯಿಂದ ಕಳ್ಳನ ಬಂಧಿಸಿದ ನಗರಠಾಣೆ ಪೊಲೀಸರ ಕಾರ್ಯವನ್ನು ಎಸ್ಪಿ ಪ್ರಶಂಸಿದ್ದಾರೆ.
