ಸುದ್ದಿಮೂಲ ವಾರ್ತೆ
ಬೇತಮಂಗಲ, ಆ. 12 : ಇಲ್ಲಿನ ಟಿ.ಗೊಲ್ಲಹಳ್ಳಿ ಗ್ರಾ.ಪಂ.ಗೆ ಎರಡನೇ ಅವಧಿಯ ಅಧ್ಯಕ್ಷ ಹಾಗೂ ಉಪಾಧ್ಯಕ್ಷರ ಚುನಾವಣೆಯಲ್ಲಿ ಬಿಜೆಪಿ ಬೆಂಬಲಿತ ತುಳಸಮ್ಮ 15 ಮತಗಳನ್ನು ಪಡೆಯುವ ಮೂಲಕ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿದ್ದಾರೆ.
ಟಿ.ಗೊಲ್ಲಹಳ್ಳಿ ಗ್ರಾಪಂಯ ಒಟ್ಟು 26 ಸದಸ್ಯರ ಸಂಖ್ಯಾ ಬಲಹೊಂದಿರುವ ಗ್ರಾಪಂಯಲ್ಲಿ ಸುಮಾರು 20 ಸದಸ್ಯರು ಕಾಂಗ್ರೆಸ್ ಬೆಂಬಲಿತರು ಇದ್ದು, ಬಿಜೆಪಿ ಪಕ್ಷದ ಬೆಂಬಲಿತರು 6 ಸದಸ್ಯರನ್ನು ಒಳಗೊಂಡಿದ್ದರು ಸಹ ಕಾಂಗ್ರೆಸ್ ಬೆಂಬಲಿತರಾಗಿ ಉಪಾಧ್ಯಕ್ಷ ಸ್ಥಾನಕ್ಕೆ ಸ್ವರ್ಥಿಸಿದ್ದ ಪದ್ಮಮ್ಮ 11 ಮತಗಳನ್ನು ಪಡೆದುಕೊಂಡರೆ, ಬಿಜೆಪಿ
ಬೆಂಬಲಿತರಾದ ತುಳಸಮ್ಮ ವೆಂಕಟೇಶ್ 15 ಮತಗಳನ್ನು ಪಡೆಯುವ ಮೂಲಕ ಉಪಾಧ್ಯಕ್ಷರಾಗಿ ಆಯ್ಕೆಯಾಗಿರುವುದು ಕಾಂಗ್ರೆಸ್ ಪಕ್ಷಕ್ಕೆ ಭಾರಿ ಮುಜುಗರ ಊಟು ಮಾಡಿದೆ.
ಬಿಜೆಪಿ ಬೆಂಬಲಿತ ಗ್ರಾಪಂ ಸದಸ್ಯ ಕಾಂತರಾಜ್ ಮಾತನಾಡಿ, ಟಿ.ಗೊಲ್ಲಹಳ್ಳಿ ಗ್ರಾಪಂಯಲ್ಲಿ ಬಿಜೆಪಿಯ 6ಸದಸ್ಯರು ಇದ್ದರೂ ಮಾಜಿ ಶಾಸಕ ವೈ.ಸಂಪಂಗಿ ಹಾಗೂ ಸರ್ವ ಸದಸ್ಯರ ಸಹಕಾರದಿಂದ ತುಳಸಮ್ಮವೆಂಕಟೇಶ್ ಉಪಾಧ್ಯಕ್ಷರಾಗಿ ಆಯ್ಕೆಯಾಗಲು ಸಾಧ್ಯವಾಗಿದೆ ಎಂದರು.
ಈ ಸಂದರ್ಭದಲ್ಲಿ ಗ್ರಾಪಂ ಸದಸ್ಯರಾದ ಜ್ಯೋತಿ ಸತೀಶ್, ಸರಸ್ವತಿ ವೆಂಕಟೇಶ್, ಜಯಮಂಗಲ ವೆಂಕಟೇಶ್, ಮುನಿಯಮ್ಮ, ಮುಖಂಡರಾದ ಕಳ್ಳಿಕುಪ್ಪ ಚಲಪತಿ, ನಾರಾಯಣಸ್ವಾಮಿ, ಗ್ರಾಪಂ ಮಾಜಿ ಅಧ್ಯಕ್ಷ ಮುನಿಯಪ್ಪ, ತಾಪಂ ಮಾಜಿ ಸದಸ್ಯ ವೆಂಕಟಾಚಲಪತಿ, ವೆಂಕಟೇಶ್, ಚಿರಂಜೀವಿ, ನಂದೀಶ್, ಪ್ರಸನ್ನ, ತಿಪ್ಪಣ್ಣ, ಗೋವಿಂದಪ್ಪ, ನಾಗಪ್ಪ ಸೇರಿದಂತೆ ಮುಖಂಡರು ಹಾಗೂ ಸಾರ್ವಜನಿಕರು ಇದ್ದರು.
