ಯುವಕರು ಮದ್ಯಪಾನಕ್ಕೆ ದಾಸರಾಗಬೇಡಿ : ಡಾ ನರಸಾರೆಡ್ಡಿ

ಸುದ್ದಿಮೂಲ ವಾರ್ತೆ

ದೇವನಹಳ್ಳಿ, ಅ. 16 : ಮದ್ಯಪಾನ ಮಾಡುವುದರಿಂದ ದೈಹಿಕವಾಗಿ ಹಾಗೂ ಮಾನಸಿಕವಾಗಿ ಆರೋಗ್ಯ ಹದಗೆಟ್ಟು ಕೌಟುಂಬಿಕ ಕಲಹಕ್ಕೆ ಕಾರಣವಾಗುತ್ತದೆ ಎಂದು ವೈದ್ಯ ನರಸಾರೆಡ್ಡಿ ತಿಳಿಸಿದರು.

ತಾಲ್ಲೂಕಿನ ಚನ್ನರಾಯಪಟ್ಟಣ ಹೋಬಳಿಯ ಯಲಿಯೂರು ಗ್ರಾಮದ ಮುಟ್ಟಬಾರ್ಲು ಕ್ರಾಸ್ ಬಳಿಯ ಮಾನಸ ಗಂಗೋತ್ರಿ ಮದ್ಯ ಸೇವನೆ ಮುಕ್ತ ಪುನರ್ವಸತಿ ಕೇಂದ್ರದ ವಾರ್ಷಿಕ ಸಮಾರಂಭವನ್ನು ಉದ್ಘಾಟಿಸಿ ಮಾತನಾಡಿದರು.

ಮನುಷ್ಯನು ತಪ್ಪು ಮಾಡುವುದು ಸಾಮಾನ್ಯ, ಆದರೆ, ಅದನ್ನು ಪುನರಾವರ್ತಿತ ಆಗದಂತೆ ತಿದ್ದಿಕೊಂಡು ಜೀವನ ಸಾಗಿಸಬೇಕು. ಮದ್ಯದ ಅಮಲಿನಲ್ಲಿ ಮಕ್ಕಳಿಗೆ ಹಿಂಸೆ ನೀಡುವ ಬದಲು ಅವರಿಗೆ ಉತ್ತಮ ಭವಿಷ್ಯ ಒದಗಿಸಲು ಪ್ರಯತ್ನಿಸಬೇಕು. ಮದ್ಯಪಾನ ವ್ಯಸನ ಮುಕ್ತ ಕೇಂದ್ರಗಳಲ್ಲಿ ಅದರಿಂದಾಗುವ ದುಷ್ಪರಿಣಾಮ ಕುರಿತು ತಿಳಿಸಿ ಮನಪರಿವರ್ತನೆ ಮಾಡಲು ತಿಳಿಸುತ್ತಾರೆ. ಇಂದು ಮೆಡಿಕಲ್ ಶಾಪ್ ಗಳಲ್ಲಿ ವ್ಯಸನದ ಉತ್ಪನ್ನ ಮಾರಾಟ ಮಾಡುತ್ತಿದ್ದು, ಅವುಗಳಿಗೆ ದಾಸರಾಗಬೇಡಿ ಎಂದು ಮನವಿ ಮಾಡಿದರು.

ಇದೇ‌ ವೇಳೆ ಗ್ರಾ.ಪಂ ಸದಸ್ಯ ಸುನಿಲ್ ಕುಬೇರ್ ,ಗ್ರಾಮದ ಮುಖಂಡ ಈರಣ್ಣ ಗೌಡ ಗ್ರಾಪಂ ಸದಸ್ಯ ಆನಂದ್, ಬೆಟ್ಟಕೋಟೆ ಗ್ರಾಪಂ ಮಾಜಿ ಅಧ್ಯಕ್ಷ ಮಂಜುನಾಥ್, ಕೇಂದ್ರದ ಸುವರ್ಣ ಕರ್ನಾಟಕ ಜನಶಕ್ತಿ ವೇದಿಕೆಯ ತಾಲ್ಲೂಕ ಅಧ್ಯಕ್ಷ ನರೇಂದ್ರ, ಗ್ರಾಪಂ ಮಾಜಿ ಅಧ್ಯಕ್ಷ ವೆಂಕಟಚಲ, ಪುನರ್ವಸತಿ ಕೇಂದ್ರದ ಅಧಿಕಾರಿಗಳಾದ ಆನಂದ್, ಸುನಿಲ್, ಮಾನಸ ಆಸ್ಪತ್ರೆ ಸಿಬ್ಬಂದಿ ಪ್ರಭಾಕರ್ ಮುಂತಾದವರು ಹಾಜರಿದ್ದರು.